بیر گون  منیله  یار آراسیندا  گله دوشدی

اولمازدی گلایه آرادا   ایش  بله  دوشدی

تاب  اتمزیدیم  آیریلیغا  بیرجه  دقیقه

گوندن گونه ، آیدان آیا،ایلدن ایله دوشدی

چوخ سعی ایله دیم دوشمیه بلکه دیله دردیم

اما  نه قیلیم چاره کی،دیلدن دیله دوشدی

آسان  سانیردیم من مسکین غم عشقی

ساقی منه قیل چاره،ایشیم مشکله دوشدی

دوشدون یادیما آی گونه بنزرلی نگاریم

گلشنده گوزوم بلبله تازه گوله دوشدی

گوز یاشیم  آخیب سیل کیمی سسلندی باسیلدی

فریاده ییتن نازلی نگاریم سیله دوشدی

گوز یاشی کیمی سالما منی گوزدن اماندی

بیردن گوره سن  اعرووا اوغری دله دوشدی

تک گویما گولوم شهریاری گل گنه یوخلا

بیردن گورسن تاپدی اجل فاصله دوشدی

"استاد شهریار"